InicioSociedadePiden 6 anos de cárcere para un acusado de agredir sexualmente a...

Piden 6 anos de cárcere para un acusado de agredir sexualmente a un menor nun banco na rúa

O Ministerio Público tamén reclama que indemnice ao rapaz con 6.000 euros.

PUBLICADO O

O Ministerio Fiscal pide unha pena de seis anos de cárcere para un acusado de agredir sexualmente a un menor nun banco na rúa en Vigo e ao que se xulgará este mércores na sección quinta da Audiencia Provincial de Pontevedra, con sede na urbe olívica.

No seu escrito de acusación, a Fiscalía detalla que, sobre as 19,00 horas do día 16 de xuño de 2018, o menor, de 13 anos, achegouse ata unha zona dun parque de Vigo na que había máquinas para facer exercicio. Así, sentou nun banco no que tamén se situou o acusado, que tentou establecer conversación co neno sen éxito.

Posteriormente, o procesado achegouse ao menor e pediulle que o acompañase a outro banco situado á sombra, tras o que lle agarrou “fortemente” da man para levalo a ese lugar contra a súa vontade.

O neno tratou soltarse sen conseguilo debido a forza coa que lle agarraba o acusado, que “lle dicía que se gritaba ou dicía algo mataríao”. Unha vez no outro banco, o procesado comezou a “tocarlle os xenitais”, primeiro por encima da roupa e logo por dentro da mesma, “tratando de masturbalo”.

En todo momento, mantivo ao neno agarrado coa outra man, “impedíndolle que se soltase”, ata que el lle comunicou que necesitaba ouriñar. Ao permitirllo o procesado, o menor aproveitou para “saír correndo e fuxir do lugar”.

O Ministerio Público considerou ao acusado autor dun delito de agresión sexual, polo que pide que sexa condenado a seis anos de prisión e que se lle prohiba comunicarse co neno ou achegarse a el durante o mesmo tempo. Ademais, reclama que o indemnice en 6.000 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...