InicioCulturaLuísa Sobral encabeza o cartel do novo ciclo Sinsal Museo do Mar,...

Luísa Sobral encabeza o cartel do novo ciclo Sinsal Museo do Mar, que comeza este sábado este sábado

Rematará o domingo 21 de novembro.

PUBLICADO O

A cantante Luísa Sobral encabeza o cartel do novo ciclo de concertos Sinsal Museo do Mar, que leva á cidade de Vigo cinco propostas musicais que arrincan este sábado coa lisboeta no teatro Afundación.

Tras a apertura da primeira edición deste ciclo, no que colabora a Xunta e que está enmarcado na programación do Xacobeo, os concertos trasladaranse ao Museo do Mar de Vigo, protagonista dos outros tres directos que axuntarán tradición e vangarda.

Dentro do museo, os concertos desenvolveranse dentro de dous espazos: as salas ‘Curisosidades científicas’ e ‘Lonxa’. Na primeira estará o día 20 o compositor e produtor británico Adrian Timms acompañado de Rebe, unha das revelacións da escena musical estatal.

Esa mesma tarde, Marco Maril presentará na cidade olívica o seu novo traballo, ‘15.11.18’, inspirado no propio Museo do Mar. Será na sala ‘Lonxa’, onde tamén actuarán o sábado 20 a vasca Verde Prato e Nacho.Faia.Lar, último proxecto de Nacho Muñoz, Faia e Lar Legido.

O encargado de pór o broche ao ciclo será Nico Casal, pianista e compositor galego dedicado ás bandas sonoras. O seu concerto terá lugar ás 13,00 horas do domingo 21 de novembro.

A venda de entradas para o catro concertos que compoñen a oferta do Sinsal Museo do Mar está xa operativa na web ‘enterticket.es’.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...