A planta do grupo Stellantis en Vigo volve paralizar a súa produción de forma parcial debido á falta de aprovisionamentos derivada da crise global dos microchips, segundo trasladaron fontes da empresa ao persoal.
Así, a dirección da factoría informou da suspensión de actividade na cuarta quenda do sistema 1 (o que monta o Peugeot 2008, o Peugeot 301 e o C-Elysée) este luns, e en todas as quendas dese mesmo sistema deste martes a este mércores, 2 e 3de novembro. A previsión é renovar a actividade na quenda de mañá do xoves.
Os problemas de falta de microcomponentes obrigaron á fábrica viguesa a suspender a súa produción en numerosas ocasións ao longo dos últimos meses e a eliminar de forma temporal a quenda de fin de semana do sistema 2 (o que monta as furgonetas e monovolúmenes).
De feito, o persoal está afectada por un ERTE aprobado a finais de marzo pasado para afrontar esa continxencia e o propio director da fábrica, Ignacio Bo, admitiu hai uns días que “con toda seguridade” haberá que negociar outro expediente de regulación de emprego para o ano 2022.
