InicioSociedadeA aula hospitalaria e a atención educativa domiciliaria do Chuvi contan con...

A aula hospitalaria e a atención educativa domiciliaria do Chuvi contan con novas instalacións

A aula hospitalaria conta con dúas profesoras, que atenden aos nenos e nenas ingresados.

PUBLICADO O

A aula hospitalaria e o servizo de atención educativa domiciliaria da área sanitaria de Vigo iniciaron o curso con novas instalacións e servizos, e o acto de apertura do curso estivo presidido polo conselleiro de Sanidade, Julio García Comesaña; xunto co xerente do Chuvi, Javier Puente; e o xefe territorial de Educación, César Pérez Ares, así como outros responsables.

A aula hospitalaria, situada no Álvaro Cunqueiro, conta con dúas profesoras, cuxo traballo consiste en atender aos nenos e nenas ingresados, de maneira que perdan a menor actividade posible mentres están enfermos. Unha das docentes permanece na aula, mentres que a outra atende aos nenos que, por prescrición médica, non poden saír das súas habitacións.

O curso pasado a aula hospitalaria do Álvaro Cunqueiro atendeu a unha media diaria de máis de 20 alumnos e alumnas, aínda que a cifra vai variando en función do número de nenos ingresados.

Ademais da aula, a área sanitaria conta cun servizo de atención educativa domiciliaria que, desde o curso pasado, ten a súa sede e coordínase desde este hospital vigués. Trátase dun servizo novo no Álvaro Cunqueiro, xa que anteriormente a sede do servizo estaba nun colexio público.

O profesor desprázase unha vez por semana aos domicilios dos nenos e nenas que teñen que permanecer nas súas casas durante unha tempada por prescrición facultativa. O curso pasado chegou a haber 11 profesores, e atendeuse a 55 estudantes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...