InicioSociedadePersoal de Vitrasa denuncia fronte ao Concello o "inmobilismo" do goberno local...

Persoal de Vitrasa denuncia fronte ao Concello o “inmobilismo” do goberno local ante o conflito

Consideran que o Concello, "como adxudicador" do servizo, debería requirir á empresa "para que dea unha solución inmediata".

PUBLICADO O

- Advertisement -

Traballadores da concesionaria de bus urbano de Vigo, Vitrasa, concentrouse este venres fronte ao Concello da cidade, coincidindo coa segunda xornada de folga, para denunciar os incumprimentos da empresa e o “inmobilismo” do goberno municipal ante o conflito. Así, o persoal trasladou as protestas ás portas do consistorio, e lembrou que a empresa responsabiliza ao goberno local dos atrasos nos pagos das nóminas.

Os traballadores de Vitrasa viven este venres o seu segundo día de folga, convocada para denunciar o incumprimento do convenio colectivo, a negativa da empresa a negociar un novo acordo e as condicións laborais que sofren, con xornadas de condución continuada durante 10 horas e situacións de tensión “extrema”.

Tamén recalcaron que a prestación do servizo é deficiente por falta de persoal e moitas veces impídese aos viaxeiros subir ao bus nas paradas por ter aforamento completo, “habendo buses nas cocheiras”.

Segundo explicaron, ante esta situación, o Concello, “como adxudicador” do servizo, debería requirir á empresa “para que dea unha solución inmediata”. Do mesmo xeito, criticaron que o alcalde, Abel Caballero, non respondese á súa solicitude de manter un encontro.

A folga continuará durante todo o fin de semana (sábado e domingo) e anunciaron que se concentrarán nas inmediacións de Montero Ríos, onde os próximos días celébranse as competicións do festival O Marisquiño.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...