InicioSociedadeChega a porto o pesqueiro "Manuel Laura", cun caso de Covid e...

Chega a porto o pesqueiro “Manuel Laura”, cun caso de Covid e varios sospeitosos de estar contaxiados

Segundo a CIG, que pide investigar e denunciar os feitos, o pesqueiro foi "expulsado" de Irlanda tras coñecerse que había un caso positivo de Covid a bordo.

PUBLICADO O

- Advertisement -

O pesqueiro de capital galego e bandeira británica ‘Manuel Laura’, cuxa tripulación é maioritariamente da zona do Morrazo, atracou na tarde deste martes no porto de Vigo, procedente de Irlanda, de onde, segundo o sindicato CIG, foi “expulsado” tras coñecerse que había un caso positivo de Covid a bordo.

O barco atracou á primeira hora da tarde na terminal viguesa, onde permanece illado, e a previsión é que toda a tripulación sexa sometida a probas PCR, dado que, á marxe do positivo confirmado, a maior parte dos 12 mariñeiros presentan síntomas compatibles coa infección, segundo explicaron fontes sanitarias e do sindicato nacionalista.

A CIG informou de que a tripulación do arrastreiro vacinouse antes de saír cara a Gran Sol e que, estando xa en plena travesía, un dos seus tripulantes comezou a sentirse indisposto. Segundo denunciou, á súa chegada ao porto irlandés de Castletownbere, as autoridades denegáronlles auxilio, a pesar de que esta obrigación se recolle no Regulamento Sanitario Internacional.

Segundo Xavier Aboi, estes mariñeiros sufriron “presións, ameazas veladas e suxestións” por parte das autoridades irlandesas, que lles aseguraron “que non había ambulancias dispoñibles nin taxis para casos de Covid”. “Negáronse a prestarlles asistencia médica e o único que conseguiron foi que unha enfermeira subise a bordo a facer unha PCR, coa que se confirmou o positivo”, sinalou.

A CIG denunciou que, finalmente, o barco “foi obrigado a abandonar o porto e iniciou o seu regreso a Galicia”, e esixiu á Xunta e ao Goberno central que investigue o ocorrido e, no seu caso, adopte medidas tras esta “chantaxe” de Irlanda.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...