InicioVigo e contornaVigoVigo quedará sen reunións de non conviventes á noite tras subir ao...

Vigo quedará sen reunións de non conviventes á noite tras subir ao nivel alto de restricións

O mesmo acontece con Baiona, Gondomar, Nigrán, O Rosal e Tomiño.

PUBLICADO O

Vigo pasa ao nivel máximo de restricións e verá restrinxidas as reunións de non conviventes entre a 1 e as 6 da mañá. Así o vén de anunciar o presidente da Xunta, Alberto Núñez Feijóo, na rolda de prensa para informar as medidas adoptadas polo comité clínico, onde se deron a coñecer tanto as novas medidas restritivas como o nivel incidencia de certos concellos escollidos.

Entre eles estaba o consistorio olívico, que pasa a nivel alto de restricións tras varias xornadas coa área sanitaria viguesa á cabeza de contaxios de Galicia. Este incremento nas restricións implicará que as reunións de non conviventes estean prohibidas entre a 1 e as 6 da mañá; mentres que, de estar en nivel medio e baixo, as reunións estaría prohibidas entre as 3 e as 6.

Feijóo engadiu á parte que a Xunta de Galicia  limitará desde este sábado as reunións a seis persoas no interior e a 10 no exterior, ou dúas unidades de conviventes en ambos os casos, debido á situación epidemiolóxica pola Covid-19.

Galicia eleva a sete concellos a nivel máximo de restricións debido á situación epidemiolóxica pola Covid-19, entre os que se inclúen os turísticos de Sanxenxo, Boiro, O Grove e Cambados, mentres que 29 estarán en nivel alto, entre eles as cidades de Vigo, Pontevedra e Ourense debido ao incremento da incidencia, o que supón un 35% da poboación.

A cuestión dos niveis de restricións gaña de novo impacto tras o anuncio dos novos límites ás reunións, xa que estas –sempre que sexan entre non conviventes– estarán prohibidas entre a 1,00 e as 6,00 horas nos municipios con nivel máximo e alto de restricións. No caso dos municipios en nivel medio e alto, onde segue aberto o lecer nocturno, as reunións de non conviventes estarán prohibidas entre as 3,00 e as 6,00 horas

Así o anunciou este mércores o presidente da Xunta, Alberto Núñez Feijóo, na rolda de prensa para informar as medidas adoptadas polo comité clínico, e puntualizou que no nivel máximo haberá un 3,3% da poboación galega. Na contorna de Vigo, tamén se atopan en nivel alto Baiona, Gondomar, Nigrán, O Rosal e Tomiño

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...