InicioVigo e contornaVigoA CIG acusa ao Porto de Vigo de "estar deixando morrer" os...

A CIG acusa ao Porto de Vigo de “estar deixando morrer” os estaleiros de Vulcano

Aseguran que o ente, comandado polo ex-conselleiro de Sanidade Almuiña, non está permitindo ao estaleiro desenvolver "a súa pouca carga de traballo".

PUBLICADO O

Novo episodio na problemática do naval na ría de Vigo. Na mañá deste martes tivo lugar unha xuntanza entre os sindicatos CIG, CCOO e UGT e a patronal ASIME para tratar unha cuestións que, de non ser atalladas, poderían derivar na “desaparición” de estaleiros históricos como o de Vulcano, segundo apuntan dende a Confederación.

A CIG celebra a reunión coa patronal pero asegura que chega “moi tarde” e despois de que a central estivera “anos” advertindo dunha crise sectorial que deixa o naval de Vigo “en grave risco de desaparición”. Precisamente, a intervención do sindicato nacionalista na mesa coa patronal xirou arredor das propostas para reverter esta parálise que ameaza con afundir unha industria antano punteira.

Xulio Fernández, secretario comarcal de CIG-Industria, apuntou neste aspecto á patronal a importancia de “facer do naval un sector atractivo” para evitar a fuga de man de obra e recuperar traballadores cualificados; circunstancia que iría paralela a unha mellora das condición laborais e salariais, “empobrecidas” polos últimos convenios a ollos do da CIG.

Do mesmo xeito, expuxo a importancia de paralizar o ERTE de Barreras “xa que a súa aplicación aboca irremediabelmente á desaparición deste estaleiro”, e darlle carga de traballo a un estaleiro centenario como a antiga Vulcano, “que se está deixando morrer con complicidades manifestas”. Neste aspecto, apunta directamente ao Porto de Vigo por “impedir o desenvolvemento da pouca actividade que aínda ten en reparación e construción”.

Xunto a isto, o secretario da CIG-Industria demandou o cese da “represión sindical” denunciada semanas atrás e que supostamente tería tido lugar “contra compañeiros e compañeiras que están decididamente loitando pola non desaparición dos seus postos de traballo e por salvar o naval na ría de Vigo”. Unha persecución exemplificada no inxusto despedimento do delegado da CIG en Barreras, Rafa Pérez.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...