InicioVigo e contornaRedondelaDetectados 43 positivos nun cribado a menores de 40 anos e 12...

Detectados 43 positivos nun cribado a menores de 40 anos e 12 noutro en Redondela, ambos con menos do 35% de participación

Ademais, contabilizáronse 6 casos noutro cribado en Salceda de Caselas.

PUBLICADO O

A área Sanitaria de Vigo detectou 43 positivos de Covid-19 nun cribado levado a cabo na cidade olívica a persoas menores de 40 anos que tivo un 34,8 por cento de participación. Ademais, contabilizáronse 12 casos en probas en Redondela e seis noutro en Salceda de Caselas.

Segundo informou a área sanitaria viguesa, ao cribado de Vigo estaban citadas 4.763 persoas menores de 40 anos, das que acudiron 1.662, que representan un 34,8%.

De entre os 43 positivos de Covid-19 rexistrados neste cribado, 31 corresponden a persoas do rango de idade de entre 18 e 30 anos de idade, concretaron as mesmas fontes sanitarias.

Pola súa banda, no municipio de Redondela, nesta mesma área sanitaria, o segundo cribado realizado no que vai de mes con 2.023 persoas convocadas tivo un 33,6 por cento de asistencia, que supoñen 680 persoas.

Neste caso as probas saldáronse cunha ducia de positivos, deles 11 corresponden a mozos de 18 a 30 anos de idade, indicou a área Sanitaria de Vigo.

En canto ao cribado efectuado na localidade pontevedresa de Salceda de Caselas, dos 1.137 veciños citados acudiron 450, o 39,5%, de entre os que se diagnosticaron seis positivos, todos eles de mozos de 18 a 30 anos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...