A área de Vigo concentra un terzo dos contaxios en colexios galegos

Tamén rexistra a metade das aulas pechadas, dúas de catro.

Colexio Apóstolo de Vigo.

Os casos activos de Covid-19 nos centros educativos non universitarios de Galicia continúan con tendencia descendente e baixan a 294, que implican 24 menos que os contabilizadas na xornada anterior. Ademais, redúcense a catro as aulas pechadas –tres menos– pola incidencia deste coronavirus e non hai centros clausurados.

Así se desprende dos datos actualizados este mércores polas consellerías de Educación e Sanidade, recollidos por Europa Press, nos que se reflicte que os positivos descenden nos centros das áreas sanitarias de Vigo (-15), Pontevedra (-5), Santiago (-4) e A Coruña (-3); aumentan lixeiramente nas de Ferrol (+2) e Ourense (+1), mentres que se manteñen na de Lugo.

A área de Vigo mantense á cabeza en casos activos con 102, que supoñen 15 menos, e dúas aulas pechadas –tres menos–, delas una nunha escola infantil da cidade olívica por un positivo. Nesta área sitúase o centro con máis positivos de Covid de Galicia, o CEIP Seis do Nadal de Vigo con oito –sen cambios–. Pola súa banda, o IES de Mos que ata a xornada pasada estaba á cabeza na Comunidade galega reduce a cinco os contaxios –catro menos–.

Moi por detrás está a área de Santaigo, con 41 casos, a de Pontevedra con 40 detectados, Lugo con 32, A Coruña con 31 e Ourense e Ferrol, que seguen á cola con, respectivamente, 27 e 21 contaxios rexistrados.

DEIXAR UN COMENTARIO

Please enter your comment!
Please enter your name here