InicioEconomíaCIG reclama unha "aposta decidida" da Xunta pola automoción para evitar o...

CIG reclama unha “aposta decidida” da Xunta pola automoción para evitar o posible “deserto industrial”

Consideran que a administración autonómica debe favorecer que as plantas de compoñentes estean en Galicia, e non depender de provedores estranxeiros.

PUBLICADO O

Delegados da CIG concentráronse este martes ante a entrada principal da planta do grupo Stellantis en Vigo, encabezados polo secretario comarcal do sindicato, Alberto Gonçalves, e polo secretario nacional da Federación de Industria, Xoán Xosé Bouzas, para denunciar a “precariedade” dos ERTE na automoción e a “deslocalización”, e para reclamar unha “aposta decidida” da Xunta por este sector.

Segundo lembrou Xoan Xosé Bouzas, a automoción galega atópase nunha situación de “incerteza” polas consecuencias da pandemia e da chamada crise dos ‘microchips’, que está a xerar problemas de abastecemento de compoñentes.

Neste escenario, lembrou, o grupo Stellantis recorreu a aplicar “un ERTE á carta”, que incide na “precariedade” do persoal e que arrastrou a outros miles de traballadores da industria auxiliar.

Por iso, a CIG reclamou implicación da administración autonómica para favorecer que as plantas de compoñentes estean en Galicia, e que a industria non teña que depender de provedores estranxeiros. Así mesmo, pediron que a Xunta faga investimentos pensando “no futuro” para garantir a provisión, por exemplo, de baterías para coches eléctricos.

“Se non hai unha solución a tempo, coa deslocalización, perderanse miles de empregos, e isto pódese converter nun deserto industrial, como está a pasar no Norte de Galicia“, advertiu o secretario nacional da Federación de Industria da CIG.

RESPOSTA DE STELLANTIS

Pola súa banda, fontes da planta viguesa de Stellantis responderon a estas protestas apuntando que “os desafíos e os problemas deben abordarse con compromiso e responsabilidade”, unha visión que comparte “a maioría da representación social” na fábrica, que apoiou os ERTE para afrontar a actual situación.

Segundo incidiu, este enfoque “protexe” a competitividade da fábrica e a súa “posición de liderado” no sector da automoción europeo, mentres que “a falta de vontade construtiva dos convocantes desta protesta non é un bo exemplo a seguir”, e “outros sectores industriais en Vigo padecen hoxe as consecuencias deste tipo de sindicalismo”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...