InicioSociedadePiden 3 anos de cárcere para un acusado ao que interviñeron 445...

Piden 3 anos de cárcere para un acusado ao que interviñeron 445 plantas de marihuana na súa casa de Vigo

Acúsaselle dun delito contra a saúde pública.

PUBLICADO O

A Fiscalía pide 3 anos de prisión para un veciño de Vigo ao que se lle acusa dun delito contra a saúde pública e ao que interviñeron 445 plantas de marihuana que cultivaba na súa vivenda. O procesado será xulgado este luns na sala do Penal 3 da cidade olívica.

Segundo o escrito de acusación pública, o procesado tiña na súa vivenda e nun galpón anexo unha plantación de marihuana con unidades en diferentes fase de crecemento, así como follas picadas e en proceso de secado, haxix e outros elementos.

Ademais, polo menos entre outubro de 2018 e outubro de 2019 (cando se rexistrou a súa casa e se descubriu a ‘plantación’), ao ter dobre acometida eléctrica sen pasar polo contador, defraudou á compañía eléctrica máis de 1.200 euros polo consumo de enerxía dese sistema de cultivo.

Por estes feitos, a Fiscalía considérao responsable dun delito contra a saúde pública e outro de defraudación do fluído eléctrico, e pide que sexa condenado a 3 anos de cárcere e a pagar multas que suman case 19.000 euros. Tamén deberá indemnizar á compañía eléctrica en 1.227,73 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...