InicioSociedadeO PP esixe o AVE directo Vigo-Madrid por Cerdedo tras a "baixada...

O PP esixe o AVE directo Vigo-Madrid por Cerdedo tras a “baixada de pantalóns” de Abel Caballero

Presentará iniciativas en diferentes cámaras como Senado, Congreso, Parlamento e Concello.

PUBLICADO O

O PP de Vigo anunciou este venres a presentación de iniciativas nas diferentes cámaras (Senado, Congreso, Parlamento galego e Concello) para esixir o AVE directo Vigo-Madrid pola variante de Cerdedo, tras a “baixada de pantalóns” de Abel Caballero.

Así o anunciou o grupo municipal ‘popular’ nunha rolda de prensa na que tamén participaron o deputado Diego Gago e o senador Javier Guerra.

O portavoz do grupo municipal, Alfonso Marnotes, lembrou que ao alcalde de Vigo, Abel Caballero, “no seu momento parecíalle inaceptable” que os viaxeiros que van a Madrid teñan que facelo por Santiago. “Dicía que era do século XIX, pero agora xa lle vale, agora acéptao”, sinalou, despois de que o rexedor aceptase a viaxe pola variante de Santiago-Conxo (aínda que sen renunciar á variante de Cerdedo, asegurou).

A concelleira e deputada autonómica, Teresa Egerique, anunciou que ese cambio de criterio do alcalde é “unha baixada de pantalóns”. “Abel Caballero claudicou ante o Goberno”, constatou, e criticou que “é o PSOE o que marxina a Vigo”, coa “complicidade” do partido en Galicia.

Egerique anunciou que o PP presentarán iniciativas nas diferentes cámaras para esixir a variante de Cerdedo e o AVE directo entre a cidade e a capital de España.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...