InicioMovementos SociaisConcentración en Citroën a prol da conciliación laboral: "Queremos que familia e...

Concentración en Citroën a prol da conciliación laboral: “Queremos que familia e traballo sexan compatibles”

PUBLICADO O

A CIG concentrouse este mércores ás portas da fábrica de PSA-Citroën en Vigo para denunciar “o caso de Citroën” como “un exemplo máis de moitas empresas, neste caso unha multinacional, á que se lle enche a boca vendendo políticas e medidas dirixidas á igualdade de oportunidades entre mulleres e homes, ou a protexer os dereitos de conciliación, cando na práctica o que están a facer é vulneralos, directamente”.

Definiuno a portavoz Margarida Corral como “un exercicio de hipocrisía por parte das empresas e dos gobernos, non se ten mudado nada despois das históricas mobilizacións do 8-M. Abonda xa de discriminacións por motivos de conciliación ou por razón de sexo”.

Prometen soster estas queixas no tempo ata conseguir os dereitos que reclaman:”O acordo para nós non é válido, de feito levámolo a xuízo porque entendemos que é unha vulneración grave dos dereitos de conciliación, pero dende logo non imos a parar sexa cal sexa o resultado dese xuízo, ata que os traballadores e traballadoras poidan compatibilizar os seus dereitos co exercicio do traballo. Queremos que familia e traballo sexan compatibles”.

En resumo, o sindicato defende que existe na planta viguesa unha “vulneración do dereito da redución da xornada para o coidado de fillos e fillas”. “A organización do traballo concibe aos traballadores como fábricas ao servizo de Citroën“, concluíron: “Impoñen un sistema horario fechado que impide decidir nin o tempo que reducen nin os horarios”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...