InicioMedio Ambiente e PatrimonioQue foi dos gatos do Barrio do Cura agora que comezaron as...

Que foi dos gatos do Barrio do Cura agora que comezaron as obras para crear vivendas de súper luxo?

PUBLICADO O

Hai 7.000 pisos construídos sen vender en Vigo. Pero iso non significa que o novo proxecto do Barrio do Cura, retomado tralo fracaso de Valeri Karpin fai anos co estalido da burbulla inmobiliaria, deixe de ser a compra máis “prometedora” que os fondos de inversión puideron facer na cidade olívica.

Unha zona de Vigo hoxe moi degradada ou directamente en ruínas (o asilo, a Panificadora…), pero con vistas ao mar e a 3 minutos camiñando dos comercios de Príncipe ou da Porta do Sol.

Ou sexa: este barrio pode converterse sen problemas, sempre no caso de contar co presuposto suficiente, en bloques de edificios de súper luxo e 9 alturas. A ubicación é excelsa.

Barrio do Cura/ Miguel Núñez

Este futuro cambio de 360º no mapa de Vigo e o comezo das obras deixan moitas historias que contar, entre elas a da “comuna” de gatos que viven nesa zona, unha entre as moitas que hai en Vigo, cos animaliños sobrevivindo grazas a ducias de coidadoras (adoitan ser mulleres).

Falamos coa encargada de coidalos e subministrarlles comida: “O outro día vin que estaban medindo o terreo e pregunteille ao topópgrafo. Contestoume que comezarían a derrubar dentro de 2 meses”.

Gatos d cidade
Barrio do cura gatos/Miguel Nuñez

A conversación foi o último venres, pero este mércores xa arrasaran con parte dos terreos. Rozaron, meteron unha grúa e maquinaria da construción: “Chego e vexo esta desfeita. Teño que vir soa a ver se aparecen, só me coñecen a min e escapan aos demais, teñen medo á xente”.

Esta muller non pode deixar de pensar en como o estarán pasando, “e eu peor que eles”, asegura: “Se mo din a pasada semana, con antelación… polo menos avisar. Agora que facemos se marcharon? Ti sabes o terror que supón para eles unha maquinaria como esta, co ruído que fai?”

Gatos do barrio do Cura/ Miguel Núñez

Son seis gatiños, foron moitos máis. Leva 2 décadas coidando desta comuna: “En Vigo maltrátase moito aos animais… Igual non os volvo a ver”.

Por outra banda, Amparo (membro do Proyecto Gato, onde está encargada dos rescates e urxencias, e coidadora doutro grupo de felinos) amósanos a importancia de esterilizar aos gatos e reducir os grupos, porque sofren moito e dificilmente sobreviven.

Amparo no Barrio do Cura/ Miguel Núñez

Resume así a situación: “Cada vez hai menos sitio para os gatos nesta cidade, e ocorren desgrazas. Son maltratados, como o gato de Gondomar que foi fusilado por puro entretemento. Os gatos mansos non poden vivir entre a xente, porque é moi mala. Danlles patadas. Eu vin como “persoas” deixaban parapléxicos gatos pateándoos”.

Na súa comuna houbo máis de 100 gatos, agora case non chegan nin a 30. Os gatos non poden sobrevivir en Vigo sen axuda, asegura: “Un gato de que se alimenta? Onde o atopa?”

Amparo no Barrio do Cura tras rozar a construtora/ Miguel Núñez

Amparo estaba no paro e de súpeto atopou esta vocación de solidariedade. E teno claro: se os gatos da nosa cidade non son alimentados, morren.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...