Afundación, a Obra Social de ABANCA, albergará en Pontevedra e Vigo a representación do Ballet de Moscova de Don Quixote. Sairán á escena o venres 6 de xullo, ás 21.00 h, na Sede Afundación de Pontevedra (Augusto González Besada, 2) e o sábado 7 de xullo, ás 21.00 h, no Teatro Afundación de Vigo (Policarpo Sanz, 13). As entradas pódense adquirir na web Ataquilla.com.
O Ballet de Moscova presenta unha das obras emblemáticas da historia da danza
teatral, Don Quixote, ballet en tres actos baseado no capítulo XIX do segundo libro de El
ingenioso hidalgo Don Quijote de la Mancha.
O argumento céntrase principalmente nos amores de Kitri e o barbeiro Basilio e nas aventuras dos míticos personaxes Don Quixote e Sancho Panza ao redor da nova parella. A música foi composta por Ludwig Minkus e a súa estrea mundial tivo lugar no ano 1869 no Teatro Bolshoi de Moscova a petición dos Teatros Imperiais de Rusia.