InicioCulturaComeza o IV Cadáver Exquisito, festival de creación colectiva con poesía, foto...

Comeza o IV Cadáver Exquisito, festival de creación colectiva con poesía, foto e debuxo

PUBLICADO O

- Advertisement -
Na Sala Apóstrophe de Vigo celebrarase desde hoxe luns ata o mércores, tódalas tardes de 18 a 21:00 horas, un Cadáver Exquisito de poesía, fotografía e debuxo que será inaugurado o día 27 ás 20:00.

O cadáver exquisito, subliñan dende a organización, é “un método de creación colectiva que consiste en plasmar algo a continuación doutra cousa, sen preocuparse da coherencia ou sentido que o resultado final puidera ter. É unha técnica utilizada tanto no debuxo coma na literatura dende principios do século XX, especialmente polos surrealistas”.

Apóstrophe Sala de Arte, xunto co Festival Kerouac e o Colectivo Latente, organizan esta IV edición do Cadáver Exquisito, tendo como novidade este ano as disciplinas de poesía e fotografía, ademáis do debuxo, con participación libre.

Deste xeito, “é un chamamento a tódalas persoas, sen importar a súas aptitudes ou coñecementos técnicos. Queremos fomentar a creación conxunta, o reunirse e colaborar uns cos outros mesturando as distintas disciplinas artísticas. Esta é unha festa da diversidade e do desexo de abrir mentes e derrumbar muros e prexuízos”.

A temática, totalmente libre

O mércores as 21:00h leerase o poema colectivo nun fin de festa con música, bebida e pinchos. A organización elixiu a variante “Al alimón ou cadáver cos ollos abertos”
que consiste en traballar vendo o que fixeron os anteriores. Esta pauta está dada polo “Discurso al alimón sobre Rubén Darío” que escribiron Federico García Lorca e Pablo Neruda no ano 1934.

No debuxo, “cada un pode facer o que queira e os demáis poden intervir nos debuxos dos outros”, engaden.  Para o poema colectivo, haberá un rolo de papel enriba dunha mesa que se vai despregando a medida que os participantes escriban os seus versos. A temática é totalmente libre. As linguas elexidas para participar son galego, castelán e inglés. Pódese escribir en calquera delas”.

En fotografía establecerase unha cadea, de tal forma que cada artista recibirá unha imaxe por correo electrónico e deberá atopar unha imaxe no seu arquivo na que se estableza unha relación coa recibida.

O artista a enviará ó seguinte da cadea, tamén por correo electrónico, ata chegar ó último participante. Tras rematar a cadea de imaxes, cada artista irá á sala de exposicións onde imprimirá a súa imaxe nunha impresora instalada ao efecto.
Esta situarase nun espazo marcado na sala, correspondente co seu orde na cadea, procedendo a ocultar a fotografía sobrepoñendo un folio. O día da inauguración retiraranse os folios para ver a proposta expositiva resultante no cadáver exquisito.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...