InicioSociedadePovisa implanta o neuroestimulador máis avanzado do mundo, que non deixa á...

Povisa implanta o neuroestimulador máis avanzado do mundo, que non deixa á dor chegar ao cerebro

PUBLICADO O

A Unidade da Dor de Povisa comezou a implantar o que se considera o neuroestimulador para control da dor máis avanzado do mundo, indicado para pacientes con dor aguda en patoloxía de costas ou dor rexional complexo e refractario a outros tratamentos.

Este neuroestimulador, que só utilizaron ata o momento outros tres hospitais españois, ten o tamaño dunha moeda de cincuenta céntimos e se implanta na médula espiñal, onde xera unha serie de descargas eléctricas que bloquean o sinal de dor e impiden que chegue ao cerebro do paciente. 

Este dispositivo ofrece unhas características que en conxunto supoñen “un paso de xigante respecto de dispositivos similares utilizados ata agora”, defenden dende Povisa. O paciente pode controlar en remoto o dispositivo, aumentando ou reducindo a estimulación eléctrica en función da dor percibida; e o equipo médico, mediante tecnoloxía bluetooth e aproximando unha tablet, pode descargar información precisa sobre o seu funcionamento, sobre o nivel de dor, as horas de neuroestimulación necesitadas ou os movementos do paciente.

Outro dos grandes avances do dispositivo ten que ver coa batería, a máis diminuta do mercado e con capacidade para cargarse completamente nunha hora. Ten unha vida útil de 15 anos, que se pode alargar a toda a vida do paciente se na neuroestimulación utilízase baixo voltaxe. Ata agora, este tipo de baterías debían cargarse cada catro ou cinco anos, obrigando a intervir ao paciente para iso. 

Co dispositivo, que recibe o nome de Intellis, Povisa pode seguir ofrecendo as solucións máis avanzadas do mundo en pacientes cunha dor crónico, agudo e incapacitante, podendo controlarse ata o punto de desaparecer por completo e permitirlles desenvolver unha vida normal.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...