InicioPolíticaCaballero anuncia os novos desfribiladores para a Policía e critica que a...

Caballero anuncia os novos desfribiladores para a Policía e critica que a Xunta non asuma o seu custe

O rexedor nega que se habilitara un operativo especial para Gran Vía a pesar do corte.

PUBLICADO O

O alcalde de Vigo, Abel Caballero, anunciou que o Concello dotou aos vehículos da Policía Local de 12 desfibriladores portátiles, ademais de instalar outro na Xefatura do corpo, e criticou que a Xunta non asumise ese custo a pesar de tratarse dun servizo de “atención sanitaria”.

O rexedor olívico concretou que estes aparellos guiarán aos axentes e indicaranlles como actuar para restablecer o ritmo cardíaco normal dunha persoa, así como que 150 policías xa foron formados no seu manexo, segundo detallou este mércores nunha rolda de prensa en Vigo. Así, o alcalde sinalou que, en 2018, levaron a cabo 12 actuacións con desfibriladores que permitiron salvar a vida de cinco persoas. Mentres, apuntou que os sete falecidos eran homes de máis de 70 anos.

Noutra orde de cousas, avanzou que se estudará a posta en marcha dun servizo de acompañamento para trasladar a nenos aos seus centros escolares desde un punto no que os deixarán os seus pais e lembrou que xa existe un dispositivo de tráfico que se pon en marcha durante o período lectivo desde as 8,00 horas para evitar a conxestión de vehículos nas inmediacións dos colexios.

CORTE DA GRAN VÍA

Preguntado polos medios, negou que se habilitara un dispositivo especial debido ao corte de catro carrís da Gran Vía que tivo lugar este mércores e que se prolongará ata abril, fóra da tempada do Nadal, debido ás obras que se realizarán na zona. Abel Caballero explicou que os técnicos de tráfico analizarán se é necesaria a implementación de medidas especiais de fronte ao comezo do curso escolar, cando a afluencia de vehículos incrementarase.

Por outra banda, avanzou que este xoves, en xunta de goberno, aprobarase unha dotación de 50.000 euros para apoiar os gastos de funcionamento de distintas entidades sociais entre as que se atopan Érguete, Acción solidaria de Galicia, Down Vigo e Plena inclusión Galicia.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...