InicioCultura"Cen euros bastan" para ampliar o muro da sensibilidade

“Cen euros bastan” para ampliar o muro da sensibilidade

Con que catro empresas aporten esa cantidade quedarán cubertos os gastos da ampliación do "Muro dxs Poetas", un proxecto coordinado pola artista Sherni Kaur.

PUBLICADO O

En outubro de 2017, dentro das actividades da sétima edición do Festival Kerouac de Poesía e Performance, inaugurouse en Vigo a primeira fase do “Muro dxs poetas”, que se ampliou en 2018 e espera continuar medrando cada outono. Neste 2019 o proxecto busca financiamento externo que lle permita independencia económica a través dunha campaña chamada “Cen euros bastan”.

A obra é un mural elaborado sobre azulexos cerámicos. Neles están impresos  deseños xeométricos de Vanesa Álvarez -unha das organizadoras do Kerouac- e os textos que enviaron aquelas persoas que desexaron participar na iniciativa, O proxecto está coordinado por Sherni Kaur, educadora fotógrafa e poeta cunha ampla experiencia en técnicas de decoración cerámica (especialmente en fotocerámica dixital). Ela xa participara en proxectos murais con anterioridade antes de embarcarse neste, como o do museo ao aire libre de Almedina (Ciudad Real) e o Memorial, en Caldas de Reis.

A convocatoria para a participación foi libre e aberta a través de redes sociais, onde quen quixo puido enviar un poema breve que se plasmaría sobre os azulexos cerámicos e que hoxe se poden ler no mural levantado do centro da cidade de Vigo. A día de hoxe o “Muro dxs Poetas” é un punto de encontro ante o cal se celebran recitais poéticos e un lugar de visita para propios e alleos na cidade.

Durante este ano, a intención é continuar co proxecto e desvincularse dende un punto de vista económico do Festival Kerouac. Con tal fin, abrirase unha campaña de colaboración para que as empresas de Vigo poidan facer unha achega a cambio de publicidade no muro. Esta levará por título “Cen euros bastan”, xa que con que catro empresas aporten esa cantidade quedarán cubertos os gastos da ampliación.

“O “Muro dxs Poetas” naceu cunha vocación interactiva e de continuar medrando ao longo dos anos e que contribúe a valorizar o espazo onde se atopa, tanto polo seu valor estético como polas súas caracterísiticas físicas, xa que non se degrada co paso do tempo”, explica Kaur.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...