A plataforma cidadá “Queremos Galego” convoca a Vigo para a próxima manifestación do 17 de maio

Porta do Sol en Vigo / viajesyrutas.es

Esta mañá a plataforma cidadá Queremos Galego (QG) na comarca de Vigo fixo un
chamamento a toda a poboación a participar “de xeito masivo” na manifestación que a
plataforma cidadá convoca para este 17 de maio.

A marcha partirá as 12h desde a Alameda de Santiago de Compostela baixo o lema “En galego, día a día”. Na comparecencia pública, realizada este luns ás 11h diante do mercado do Calvario, participaron a coordenadora de Queremos Galego en Vigo, Elsa Quintas, e mais o portavoz comarcal, Pepe Carreiro, quen estiveron acompañados por representantes de diferentes organizacións que fan parte de QG.

Elsa Quintas salientou a importancia desta convocatoria que ten por obxectivo expresar que
“queremos vivir nun país onde a lingua propia estea presente en todo e para todo, sen
exclusións, onde a utilización do noso idioma non este sometido á vontade allea”.

denuncian o incumprimento da lei de normalización lingÜística

Neste sentido Quintas defende “un país no que poidamos gozar da cultura, do lecer e da vida, na mellor ferramenta que criamos para o facer: o galego”. Pola súa banda, Pepe Carrreiro, asegurou que “lingua e futuro de Galiza camiñan da man”. “Defender o futuro da nosa lingua é defender o noso futuro como pobo”, explicou.

Con todo, o debuxante amosouse esperanzado. “Temos esperanza, ilusión, vontade, compromiso para mantelo vivo, para superarmos todos os atracos, para podermos vivir en galego, sen límites”.

Baixo esa perspectiva a mobilización do 17 procura tamén exixir á Xunta que cumpra coa súa obriga de promover e normalizar o uso do galego, e denunciar o incumprimento da Lei de normalización lingüística, que vén de cumprir tres décadas da súa aprobación.Desde a comarca de Vigo fletaranse autobuses para desprazarse até Compostela.

DEIXAR UN COMENTARIO

Please enter your comment!
Please enter your name here