InicioCulturaDomingo Villar defende a capa e espada a Escola de Artes e...

Domingo Villar defende a capa e espada a Escola de Artes e Oficios: “É unha das maiores xoias de Vigo”

Domingo Villar segue a encher librarías nas súas presentacións, que causan furor entre os fans da novela negra.

PUBLICADO O

O movemento que xerou este xoves o escritor Domingo Villar á súa visita a Vigo non ten paragón e parece pouco menos que a contracorrente nestes tempos onde “ningúen” le novelas e temos todo o que queremos a un clic grazas a este aparalliño electrónico que levamos no peto.

O autor vigués, que reside na actualidade na capital do Estado, creou expectación e encheu a Escola de Artes e Oficios, onde presentou ás 7 e media o seu novo libro “O último barco/ El último barco”. Sae á vez en galego, na editorial Galaxia, e en castelán, grazas á editorial Siruela, o que fala moi ben do éxito deste autor de novela negra, do que xa se levou ao cine “A praia dos afogados”, se cadra a súa máis célebre obra.

A xira de presentación, que só podía comezar na cidade natal do artista, continuará o día 12 na Coruña (Moito Conto), o 13 en Ferrol (Casino Ferrolán), e por último o día 14 en Compostela na libraría Cronopios, sempre á misma hora, 7 e media.

As gafas do mestre Villar/ Miguel Núñez

Villar, moi vencellado ao seu, que sitúa as súas obras en lugares de Vigo, o Morrazo ou o Val Miñor, declarou para Cadena Ser a súa paixón pola Escola de Artes e Oficios, que non só era o espazo escollido para a devandita presentación, senón unha personaxe máis da obra, igual que o mestre de cerámica, Miguel Vázquez.

Literatura
Domingo Villar e Miguel Vázquez, mestre de cerámica / Miguel Nuñez

Unha escola de Artes e Oficios que naceu en 1885 e que nestas datas se atopa en perigo de desaparecer, 135 anos despois. Reivindicouna o escritor, para el é “unha das maiores xoias que ten a cidade, unha das máis sobranceiras e antigas, pero pouca xente sabe que existe, que hai grandes escultores, como se crean zanfoñas, ata hai pouco arpas, o propio Carlos Núñez aprendeu aquí a crear as súas gaitas”.

Ata lanzou un potente dardo ao ecosistema mediático da cidade olívica: “Unha escola coma esta, en calquera lugar do mundo, sería portada dos periódicos, cada día. Só hai un referente semellante en Bilbao”. En conclusión, Villar, que firmou libros para os numerosos fans que ateigaron a Escola, a valorou como un lugar “para a xente que fai as cousas despacio”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...