InicioCulturaRamón Porrina, xenio e figura do caixón flamenco, ofrece Masterclass en Vigo...

Ramón Porrina, xenio e figura do caixón flamenco, ofrece Masterclass en Vigo e Ponteareas

a

PUBLICADO O

Está de xira por Vigo e Ponteareas Ramón Suárez, coñecido como “Ramón Porrina”. Fillo do cantaor Ramón “O Portugués” e neto de “Porrina de Badajoz”, é un dos pioneros do caixón, por así dicilo o primeiro. Colaborou en discos tan importantes como “Potro de Rabia y Miel” de Camarón de la Isla ou “Zyryab” de Paco de Lucía, e traballou en compañías tan importantes como a de Joaquín Cortés ou Antonio Canales.
Dentro do cante flamenco gravou con cantaores como Enrique Morente, José Mercé, Miguel “El Rubio”, Diego “El Cigala”, Duquende, Potito, Montse Cortés, La Tana, Niña Pastori, Estrella Morente,Tomatito, Vicente Amigo, Gerardo Núñez, El Viejin, Rafael Riqueni, Enrique de Melchor, Jesús de Rosario, Niño Josele, Diego del Morao, Ramón Jimenez…
P- ¿Que o trae a Vigo?
R- Nos últimos anos separadamente das actuacións musicais co meu grupo, percorro España dando clases de percusión difundindo o caixón flamenco. Este instrumento tomou unha proxección internacional a partir da súa incorporación á música flamenca feita por Paco de Lucía. Teño previsto impartir dous Masterclass: a primeira en Backstage Guitars de Vigo o día 9 de marzo e o día 10 na Escola de Música Moderna e danza CDM de Ponteareas.
P- ¿Como nace a súa paixón pola música flamenca?
R- Son parte dunha familia tradicional da música flamenca, o meu avó foi unha figura emblemática da nosa música e o meu pai aínda o é.
P- ¿Ten seguidores en Galicia o Caixón Flamenco?
R- Este instrumento está en pleno apoxeo en toda España e o mundo, pero en Galicia ten unha longa tradición na percusión acompañando á gaita. Podemos citar instrumentos como a Pandereta, o Tamboril, os Tambores, o Pandeiro Cadrado, as Pandeiras, o Bombo, etc. Así como en Andalucía a guitarra é o instrumento central, en Galicia a percusión é fundamental para a súa folclore. Os percusionistas galegos de hoxe intentan ampliar a súa formación aprendendo a utilizar o Caixón Flamenco.
P- ¿Que expectativa ten destes dous cursos?
R- Estamos tendo unha importante demanda de prazas desde que o anunciamos. Aínda que aínda nos quedan algunhas libres, estamos pensando ampliar outra clase complementaria, no caso de que se apunten máis alumnos.
P- ¿É necesario ter coñecementos de música para facer o curso?
R- Non, soamente sentir a música e ter ganas de aprender. O curso son tres horas pola mañá e tres pola tarde.
P- Os interesados ¿a donde deben dirixirse?
R- O coordinador desta iniciativa é o guitarrista, compositor e cantautor vigués “Tono Alcalde”, co apoio de Backstage Guitars e dZetta Music Center de Vigo e o CDM de Ponteareas. Tamén será o meu colaborador no propio curso, dada a súa experiencia na música flamenca. O teléfono de inscripción é o 647 519 326.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...