InicioMovementos SociaisOs traballadores de Mantelnor concéntranse no Concello contra os "despidos á carta"

Os traballadores de Mantelnor concéntranse no Concello contra os “despidos á carta”

Sindicatos e compañeiros de traballo reclaman a readmisión de David, o traballador despedido por Mantelnor.

PUBLICADO O

As traballadoras/es de Mantelnor, concesionaria do servizo de limpeza dos colexios públicos e das escolas infantís do Concello de Vigo, trasladaron hoxe mércores as súas protestas polo despido dun compañeiro ás portas do consistorio.

Fronte ao Concello de Vigo desenvolveron unha concentración na que berraron consignas reclamando a súa readmisión. O vindeiro mércores día 30 volverán mobilizarse no mesmo lugar de 11:00 a 12:00 horas para forzar ao Goberno local a implicarse no conflito.

Concentración de Mantelnor/ Miguel Núñez

Con anterioridade levaran a cabo dúas protestas diante da sede da empresa, na avenida das Camelias, mais a dirección “aínda non moveu ficha”. Dende o comité de empresa de Mantelnor, presidido pola CIG, consideran que foi un despido totalmente inxusto xa que se tratou dunha “medida drástica” ao non existir advertencia previa ao afectado “mediante sanción ou amoestación por escrito”.

Concentración de Mantelnor/ Miguel Núñez

Diante disto, a representación dos traballadores/as reclama a inmediata readmisión do despedido e instan á empresa a aplicar outra medida “menos drástica” no caso de que o considere oportuno e anuncian que volverán mobilizarse diante do Concello o vindeiro mércores día 30 para reclamar a implicación do Goberno local no conflito.

Concentración de Mantelnor/ Miguel Núñez

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...