InicioSociedadeCaballero anuncia que non renovará o contrato de Vitrasa e a conxelación...

Caballero anuncia que non renovará o contrato de Vitrasa e a conxelación do prezo do billete

O Concello de Vigo vén de anunciar un transporte máis "moderno".

PUBLICADO O

O goberno de Vigo acordou non executar a prórroga automática que prevé a concesión actual do autobús urbano, decisión que comunicará á empresa Vitrasa. Segundo trasladou Caballero, o contrato -adxudicado en 1994 e formalizado en 1995- ten unha duración de 25 anos e contempla a prórroga automática deste salvo comunicación expresa por algunha das partes, cuestión que vén de adoptar este venres o Concello de Vigo.

O alcalde vigués explicou que a actual compañía presta un bo servizo e a decisión de non prorrogar o contrato responde á necesidade de modernizar e adaptar o autobús urbano á actualidade, pois as bases da concesión actual son de 1994. O goberno de Vigo, engadiu Caballero, traballa na elaboración dos pregos que rexerán o novo concurso público.

Tamén relacionado co autobús urbano, o alcalde anunciou a conxelación do prezo do autobús para 2019, que non sufrirá suba algunha nin no prezo ordinario nin nos bonificados. Trátase da sétima vez que o goberno dirixido por Caballero conxela ou rebaixa as tarifas do autobús, logo de facelo nos anos 2008, 2011, 2013, 2014, 2015 e 2016.

O alcalde puxo en valor os “prezos moi medidos” do autobús urbano vigués. Así, aseverou que o billete ordinario, nos últimos cinco anos (desde 2014), pasou de 1,32 a 1,35 euros, unha suba media do 0,4% cada ano, mentres que o prezo bonificado coa tarxeta PassVigo se incrementou unicamente tres céntimos en sete anos, desde o ano 2012 ao 2019.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...