Vídeo: Colectivos sociais organizan un acto no que acusan de ‘crueis inocentadas’ ao Concello de Vigo

Un home durme na rúa fronte ao Sireno/ Miguel Núñez

Os colectivos Distopía e Foro Socioeducativo Os Ninguéns ‘aproveitaron’ a festa pagana dos inocentes co Dinoseto como testigo, e denunciaron na Praza da Princesa “as 61.000 persoas que viven no umbral da pobreza en Vigo“, salientan no seu comunicado oficial, no que acusan de “cruentas inocentadas” ao Concello.

Os Ninguéns no Día dos Santos Inocentes/ Miguel Núñez

Así, estes colectivos ven certas fallas de transparencia no goberno local, e denuncian ata “faltas á verdade” e unha supostamente excesiva presenza nos medios de comunicación.

Os Ninguéns no Día dos Santos Inocentes/ Miguel Núñez

Poñen como exemplo os desafiuzamentos: “O alcalde di que en Vigo non hai desafiuzamentos, pero a realidade, segundo a Oficina Xudicial de Desafiuzamentos, informa de que dende outubro do ano pasado a setembro deste ano rexistráronse e executáronse 151 despexos por impago de aluguer de vivendas. As persoas afectadas síntense humilladas e estigmatizadas”.

Os Ninguéns no Día dos Santos Inocentes/ Miguel Núñez

Ademais, acusan ao alcalde de mentir con respecto á política social: “Informa de que o Concello de Vigo é do estado español dos que máis inviste en políticas sociais, cando os datos de Facenda publicados ano tras ano amosan que o Concello de Vigo non é o primeiro nen sequera a nivel galego”.

1 COMENTARIO

DEIXAR UN COMENTARIO

Please enter your comment!
Please enter your name here