A Policía Local traballa para contrarrestar os desperfectos causados pola borrasca Beatriz en Vigo

Tormenta en Vigo/ Miguel Núñez

A Policía Local de Vigo está a traballar arreo trala tormenta deste martes. Unha tapa da rede de sumidoiros aberta na rúa Julián Estévez, vivendas nas que a auga chega ao xeonllo a carón do Instituto Oceanográfico, unha árbore cortando un carril na rúa Cabalaira, descolgouse a iluminación de Nadal en Príncipe…

Son só algúns exemplos nunha cidade que espertou con desperfectos e chea de auga, que incluso chegou a entrar nalgunhas casas e provocou dano directo e indirecto a varios vehículos.

Tormenta en Vigo/ Miguel Núñez

A caída de contedores, árbores e outros elementos dificultaron a circulación en varias estradas, e a iluminación de Nadal foi desprazada con risco de caer á vía pública nalgúns puntos. Ademais, grupos de semáforos deixaron de funcionar e rúas como Martínez Garrido quedaron momentaneamente sen luz.

Tormenta en Vigo/ Miguel Núñez

Son as consecuencias da borrasca Beatriz, que deixou máis de 400 incidencias en Galicia, a maioría delas en estradas, causadas pola forte chuvia e tamén polo vento.

Vigo foi unha das cidades máis afectadas, pero A Coruña a provincia que máis incidencias presentou (182, por 148 de Pontevedra). Lugo e Ourense pasaron sen problemas un temporal que se centrou no litoral de Galicia.

Tormenta en Vigo/ Miguel Núñez

1 COMENTARIO

  1. Unha aperta e parabéns aos que facedes periodismos en galego. Tratade de non cometer erros como “un árbore” (as árbores teñen xénero feminino), ou “a destallo” cousa que non existe, diríase mellor “arreo” ou “a esgalla”. Grazas.

DEIXAR UN COMENTARIO

Please enter your comment!
Please enter your name here