InicioSociedadeVigo, Lugo e Santiago, entre as cidades máis seguras de España

Vigo, Lugo e Santiago, entre as cidades máis seguras de España

Vigo é a terceira cidade de máis de 250.000 habitantes onde serían menos probables os roubos no fogar.

PUBLICADO O

A Asociación Empresarial do Seguro (UNESPA) apunta no seu informe “Estamos seguros” que na categoría das cidades con máis de 250.000 habitantes, situaríase Vigo na terceira posición cun 25% menos de incidencia dos roubos en domicilios particulares.

A primeira gran cidade máis segura de España sería Palma de Mallorca cun 44% menos de asaltos a vivendas familiares. A segunda é Las Palmas de Gran Canaria, cun 34%  menos de probabilidade de sufrir roubos no domicilio. A Vigo séguelle en cuarto lugar Bilbao cun 19% menos e Valladolid cun 16% menos en probabilidades de substracción ilegal no domicilio.

“Estamos seguros” sinala ademais que nas cidades de Lugo e Santiago de Compostela a probabilidade de sufrir un roubo na casa sería a metade que no resto de España. Concretamente, Lugo un 55,67% menos de posibilidades de sufrir un roubo no fogar e Santiago cun 51,63% menos.

As dúas cidades están no ranking das poboacións con máis de 50.000 habitantes en España, onde se reducen as probabilidades de sufir roubos dentro do fogar. A primeira nesta lista é La Laguna en Santa Cruz de Tenerife, Canarias, cun 63,10% menos de posibilidades para un roubo na casa. A cuarta, a continuación de Santiago, é Salamanca cun 47,56% menos de posibilidades.

 

As cidades menos seguras en España para os fogares segundo o informe “Estamos Seguros” son Madrid, cun 42% máis de posibilidade de roubo na casa, Murcia con 37%, L´Hospitalet de Llobregat cun 32% e Sevilla cun 22%. Dentro das grandes cidades, Barcelona e Zaragoza estarían parellas coa media española.

UNESPA, a Asociación Empresarial do Seguro, ten 200 asociados entre aseguradoras e reaseguradoras, que representan o 96% do volume dentro do negocio dos seguros en España. “Estamos Seguros” é un plan divulgativo que elabora UNESPA desde o ano 2016 e que ten por obxectivo achegar a función do seguro dentro da sociedade.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...