InicioSociedadeOs Ninguéns, contra a pobreza: "É unha vergoña que en Vigo teñamos...

Os Ninguéns, contra a pobreza: “É unha vergoña que en Vigo teñamos menos de 20 traballadores sociais”

PUBLICADO O

“A pobreza hai que combatela todos os días. Con todo, é importante que os días sinalados tentemos facer fincapé. Por iso este 17 de outubro reflexionamos sobre o devastador papel da pobreza na nosa cidade, pero tamén no país e no mundo, concretamente nos países en vías de desenvolvemento”, así comeza o manifesto que elaborou o colectivo Os Ninguéns co gallo do Día Internacional pola Erradicación da Pobreza.

Non esqueceron tampouco “os dramáticos conflitos bélicos que provocaron que tantas persoas sen saída tiveran que deixar atrás a súa vida enteira e os seus fogares, para buscar un refuxio que nunca chegou; non esquecemos a crueldade dos CÍES, centros de internamento de estranxeiros, que engaiolan compañeiros que só tentan lograr a súa supervivencia, aos que se lles negan os dereitos máis básicos”.

“Igualmente na nosa terra, Galicia, a pesar dos recursos institucionais, non escapamos das garras da pobreza. O certo é que si nos metemos en datos xa hai estudos e un claro consenso de mínimos, expresado na Carta Social Europea e a Rede Galega e Europea contra a Pobreza, que se basa no índice AROPE”, recordan.

Este indicador establece un mínimo de 684 euros mensuais por persoa, e 1.680 euros ao mes por fogar formado por dous adultos e dous menores: por debaixo desta cifra estarían no umbral da pobreza.

Colectivo Os Ninguéns/ Os Ninguéns

“Recordemos que unha RISGA (Renta de Integración social Galega) individual son apenas 400 euros mensuais. En Galiza, segundo os datos oficiais recollidos pola Rede Galega de Loita contra a Pobreza, o Instituto Nacional de Estadística e o Ministerio de Emprego e Seguridade Social, a finais de 2016 había 690.505 persoas en risco de pobreza, o que representa un 25,5% da poboación total da comunidade autónoma”, lamentan.

“En Vigo, según estas mesmas fontes había 61.400 persoas nesa situación, o que representa o 21% da poboación”. E pregúntanse, “A qué están esperando, as institucións que teñen competencias compartidas en política social para axendar de maneira urxente un plan para poñer solución a esta situación insoportable? ¿Por qué as empobrecidas deben deambular dunha ventá á outra nun laberinto burocrático que non cubre as súas necesidades básicas? ¿Qué se podería mellorar?”.

Propoñen que se aumenten os orzamentos e o número de profesionais multidisciplinares para baixar os actuais índices de espera e demora, posto que “é unha vergoña que en Vigo teñamos menos de 20 traballadoras sociais para unha cidade de tanta poboación, estánse a incumplir os ratios de atención dunha maneira flagrante”.

Acampada contra a pobreza na praza do Rei/ Miguel Núñez

Urxen ademais a que a Renda de Integración social (RISGA) se aproxime pouco a pouco ao Salario Mínimo Interprofesional, ou polo menos se asimile ao índice AROPE antes mencionado.

“E, tendo en conta a carestía da vida e a imposibilidade de acceder a vivendas por parte de certos colectivos sensibles, é urxente a creación dun parque público de vivenda en aluguer social para toda a xente a que o precise en Vigo”, subliñan.

Acampada contra a pobreza na praza do Rei/ Miguel Núñez

“Sabemos que os números son dramáticos neste senso, denunciámolo constantemente ¡e continuamos sen solucións. O albergue municipal ten prazas insuficientes e a estancia de dez días cronifica as situacións de desamparo. É urxente aumentar as camas e os prazos de pernocta para que ninguén na cidade durma na rúa contra a súa vontade”, apuntan.

Polo tanto, e en resumo, “é prioritario que as administracións se senten a traballar de maneira conxunta para elaborar un plan de emerxencia social que recolla todas estas reivindicacións e poñan fin á situación de sufrimiento de tantas veciñas da cidade”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...