InicioMovementos SociaisUn videoclip para normalizar a sexualidade das persoas con parálise cerebral: "Non...

Un videoclip para normalizar a sexualidade das persoas con parálise cerebral: “Non mires a outro lado”

PUBLICADO O

A APAMP (Asociación de familias de persoas con parálise cerebral) e todo o colectivo de persoas con parálise cerebral celebrarán este mércores día 3 de outubro o Día Mundial da Parálise Cerebral en Vigo.

Con tal motivo, levararán a cabo a partir das 12:00 horas e diante da porta do Marco unha serie de actividades de sensibilización centradas na campaña afectivo-sexual “Non mires a outro lado”, pola que realizaron tamén un videoclip.

Esta campaña ten como obxectivo ampliar o concepto de sexualidade, reivindicando que non só se limita ao erotismo, senón que tamén significa intimidade, debido a que ocorre en espazos da vida diaria como no vestido, o desvestido e o aseo diario das persoas con parálise cerebral.

 

Dentro dos actos planificados, familiares, profesionais, nenos, nenas, homes e mulleres de APAMP, levarán a cabo a lectura dun manifesto que foi elaborado polas persoas que forman parte, dentro da entidade, do comité afectivo sexual. Darán a coñecer as súas reivindicacións, demandas e desexos ao redor deste tema.

Tras a lectura, usuarios da entidade realizarán un Flashmod coa canción central da campaña. A maiores, e coa finalidade de darlle visibilidade á campaña, colocarán ás estatuas máis emblemáticas da cidade unha venda co hashtag “ MiraDeFrente”.

Lema/ APAMP

 

No acto contarán coa presenza da xerente da entidade, Concepción Somoza, así como a concelleira do Partido Popular, Elena González. e está pendente de confirmar a presenza dalgún concelleiro por parte do Concello de Vigo.

Ademais da viralización da campaña en redes sociais, durante este mércores terán lugar en diferentes puntos do país varias actividades e iniciativas das 85 entidades que forman parte do Movemento.

Apamp

A nivel galego, levarán a cabo actos nas principais cidades galegas, como Coruña, Villagarcía de Arousa, Pontevedra e Lugo, sendo organizadas por ASPACE Coruña, Amencer ASPACE e ASPACE Lugo respectivamente.

Desde o Movemento ASPACE afirman que é fundamental lexitimar a nudez das persoas con parálise cerebral e contemplala como a de calquera persoa que non ten discapacidade, xa que se trata de algo íntimo e non pode ser compartido con calquera persoa.

A campaña destaca tamén o dereito á intimidade das persoas con grandes necesidades de apoio para que poidan construír a súa forma de expresar emocións. O eixo central da campaña ‘Non mires a outro lado’ é unha canción creada para a campaña polo grupo ‘ Ravioli Makers’.

Ademais conta cun anuncio, que foi distribuído entre as principais televisións nacionais e autonómicas, e un videoclip con mensaxes reivindicativas para eliminar ideas preconcibidas e concienciar á poboación sobre a importancia de normalizar a sexualidade e afectividade en parálise cerebral. 

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...