InicioMovementos SociaisA ESAD recupera a metade do profesorado perdido e logra relevar o...

A ESAD recupera a metade do profesorado perdido e logra relevar o inspector do centro

PUBLICADO O

Despois de tres días de folga e concentracións en Vigo, Pontevedra e Compostela convocadas e apoiadas pola CIG- Ensino, a Xefatura Territorial rectificou e aceptou algunhas das demandas do profesorado e alumnado da ESAD.

Nunha reunión celebrada o pasado venres entre a Dirección do centro e unha delegación da Inspección Educativa acadáronse tres importantes compromisos. En primeiro lugar, a revisión do cadro de persoal do centro, incrementándoo nunha praza e media, unha de Dramaturxia e media de Espazo Escénico. Isto supón a restitución da metade do profesorado que fora eliminado neste curso.

Contra os recortes na Escola Superior de Arte Dramática de Galicia
Persoal e estudantes da Escola Superior de Arte Dramática de Galicia protestan contra os recortes aplicados pola Xunta / Miguel Núñez

Recoñécense tamén as Titorías Docentes dentro do horario lectivo do profesorado cun mínimo de 3 horas. Na Escola xa viñan aplicando esa figura desde 2012 por mor da entrada no Espazo Europeo de Educación Superior, pois o crédito ECTS contempla non só a docencia directa senón tamén as actividades académicas complementarias, como titorías, especialmente necesarias na Educación Superior.

E, por último, a administración comprometeuse a relevar e substituír o inspector do centro con carácter inmediato, con data de 1 de outubro, “elemento fundamental para favorecer a convivencia entre a a comunidade educativa da ESAD e a administración educativa”, subliñan desde a CIG.

“Non acadamos todos os obxectivos demandados, nomeadamente a recuperación da totalidade do profesorado, mais temos que felicitarnos polo esforzo, a afouteza e a combatividade do profesorado e alumnado da ESAD”, recoñecen.

Contra os recortes na Escola Superior de Arte Dramática de Galicia
Persoal e estudantes da Escola Superior de Arte Dramática de Galicia protestan contra os recortes aplicados pola Xunta / Miguel Núñez

Quedan asuntos pendentes, comezando pola recuperación ao completo do cadro de persoal necesario e demandado polo centro e, por suposto, a adscrición á Universidade das Ensinanzas Artísticas Superiores.

Consideran que “malia non conseguir todos os nosos obxectivos, si demos un paso adiante fundamental na defensa dos dereitos do profesorado do centro e da calidade das ensinanzas de arte dramática no país”.

“Somos consciente de que o esforzo destas semanas, xunto con outros conflitos como o do IES de Brión, son o camiño a seguir fronte ás políticas de recortes da Consellaría de Educación e nesa loita sempre estará a CIG-Ensino”, selaron.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...