Povisa desvía a atención en redes sociais despois de entrar en preconcurso de acredores

Povisa / @ Miguel Núñez

A noticia estalou hai algo máis de 24 horas, no mediodía do pasado venres. O Hospital Povisa de Vigo, o hospital privado máis grande de España, entraba en preconcurso de acredores. E os 1.500 traballadores tremen pola posibilidade de quedarse na rúa.

Pero Povisa non publicou nada na súa páxina oficial un día despois. Máis aló diso, encargouse de “desviar a atención” en Twitter e Facebook, publicando no primeiro unha recomendación de facer exercicio, e en ambas redes republicaban un artigo de hai ano e medio sobre a saúde cardiovascular.

Polo momento, desde a empresa non queren dar explicacións destaa “crise”, que xa foi catalogada por diversas voces como unha “chantaxe”, mentres que medios de comunicación, sindicatos e partidos políticos investigan as causas deste repentino anuncio, cando o grupo ao que pertence Povisa dá cada ano uns beneficios millonarios.

DEIXAR UN COMENTARIO

Please enter your comment!
Please enter your name here