InicioPolíticaEn Marea critica a inversión millonaria para o Nadal "nunha cidade cun...

En Marea critica a inversión millonaria para o Nadal “nunha cidade cun 21% de pobreza familiar”

PUBLICADO O

O grupo municipal da Marea de Vigo vén de cualificar como “indecente” o gasto  “desorbitado” do Concello de Vigo na campaña de Nadal e lembra que “imos ter ‘secuestrados’ durante 4 anos un importe superior aos 4 millóns de euros só en alugar luces de Nadal”.

“É obsceno que nunha cidade cun 21% de pobreza familiar sumados todos os importes económicos poida rozarse os 2 millóns de euros de gasto (luces, adornos decorativos, cabalgata e programas de dinamización do comercio)” incidiu Rubén Pérez, voceiro do grupo municipal da Marea de Vigo.

Luces de Nadal en Vigo / Miguel Núñez.
Luces de Nadal en Vigo / Miguel Núñez.

Para a Marea de Vigo é necesario reconsiderar gran parte deste gasto, reducindo importes dos recursos económicos consignados e recuperando material que no seu día adquiríu o concello, “material por certo que aínda alguén terá que explicar onde acabou porque non figura no inventario municipal a pesar de ser unha adquisición pública”, sinala Pérez.

“Do mesmo xeito -engade-, poderíase fomentar a participación do deseño do alumeado e dos adornos de rúa na comunidade escolar de Vigo, como fan en moitas grandes capitais. Entregar millóns de euros a unha empresa é o fácil, o outro require un goberno con ideas e iniciativa agora ausente na cidade”, subliñaron.

o marisquiño, fóra do plan de emerxencia municipal

Marea de Vigo tamén reclamará no Pleno a actualización do Plan de Emerxencia Municipal, “que soamente recolle grandes concentracións de persoas no caso da Reconquista, Festival de Rondallas, Día da Muiñeira, Cabalgata de Reis, Entroido, Semana Santa e concertos puntuais que se poidan celebrar”.

Luces de Nadal en Vigo / Miguel Núñez.
Luces de Nadal en Vigo / Miguel Núñez.

“Nin tan sequera aparece mención ao Marisquiño, cando este leva realizándose 18 anos. Non existe absolutamente nada planificado ante avalanchas ou emerxencias nas zonas céntricas da cidade, dando a imaxe do modelo de goberno que Abel Caballero organiza co ‘ordeno e mando’ por enriba das cautelas e a planificación de actuacións desta dimensión”, concluíu Rubén Pérez.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...