InicioPolíticaA comisión de investigación do Marisquiño gana apoios no Parlamento galego tras...

A comisión de investigación do Marisquiño gana apoios no Parlamento galego tras ser vetada en Vigo

PUBLICADO O

O PP de Vigo e o BNG coinciden na seu apoio á creación da comisión de invstigación sobre o accidente do Marisquiño no Parlamento Galego, xa que o intento fracasou a nivel municipal, ao votar en contra o goberno de Abel Caballero, con maioría absoluta. Os votos de Marea de Vigo e PP foron insuficientes.

O PP vén de votar en contra da celebración dun pleno extraordinario sobre o Marisquiño na cámara autonómica, pero aínda así a portavoz dos populares en Vigo, Elena Muñoz, asegura ter o apoio do seu partido.

Subliñou que aínda que Vigo era a primeira opción, agora que fracasou exporán no Parlamento Galego a mesma investigación: “Se non hai comisión en Vigo ten que habela en Santiago, debemos usar todos os resortes que ten a democracia”, alegou Muñoz.

Elena Muñoz, no pleno vigués / Miguel Núñez

Pola súa banda, o BNG vén de pedir precisamente ao PP galego que vote a favor da creación da comisión. Hai que recordar que a creación desta comisión, antes de negarse en Vigo polo PSOE, xa fora rexeitada a nivel autonómico por PP e PSOE.

O caso é que o PP abriu a porta a esta comisión autonómica se fracasaba no Concello de Vigo. Agora todo depende dos populares. Cos votos a favor de BNG, En Marea e PP aprobaríase sen problemas no Parlamento galego. O BNG defende que hai que investigar “caia quen caia”, PP (a cargo do Autoridade Portuaria) ou PSOE.

Para a formación nacionalista, foi “lamentable” que o goberno de Caballero impedise crear a comisión en Vigo.

 

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...