O barrio da Lavandeira de Soutomaior: un “cheiro pestilente” en pleno Camiño de Santiago

Soutomaior/ Deambulando con Artabria

Varios veciños do barrio da Lavandeira, en Soutomaior, denunciaron este xoves a situación na que se atopa a contorna da fonte do devandito barrio, a causa dos continuos verquidos. Acusan ademais ao alcalde, Agustín Reguera, de non facer caso das súas peticións.

Segundo informaron os propios veciños, “estes verquidos prodúcense porque a bomba trituradora da fosa séptica que se atopa no lugar non funciona ben, e isto provoca que desborde e verta directamente á poza e as fincas do barrio. As consecuencias están á vista de todos, fincas cheas de excrementos, compresas…”.

“Estamos en pleno camiño de Santiago, nun lugar polo que pasan ducias de miles de persoas cada ano, pero o recordo que levan do noso barrio é un cheiro pestilente e unha paisaxe sementada de residuos”, lamentan.

A este verquido hai que sumar outro producido pola rotura do alcantarillado na rúa Castelao e que fai que os verquidos e os excrementos das casas vian directamente á poza da Lavandeira.

DEIXAR UN COMENTARIO

Please enter your comment!
Please enter your name here