InicioSucesosEliminado un punto de vertedura no río Alvedosa en Pazos de Borbén

Eliminado un punto de vertedura no río Alvedosa en Pazos de Borbén

Os técnicos do Plan de Control de Verteduras, dependente de Augas de Galicia, localizaron este foco tras recibir unha alerta a través do 112 Galicia, que informou dunha vertedura de espumas cara ao río.

PUBLICADO O

- Advertisement -

A Xunta comunicou a eliminación dun punto de vertedura de augas residuais nunha instalación do Polígono de industrial de Amoedo cara ao río Alvedosa, no concello pontevedrés de Pazos de Borbén.

Segundo trasladou a Consellería de Infraestruturas e Mobilidade nunha nota de prensa, os técnicos do Plan de Control de Verteduras, dependente de Augas de Galicia, localizaron este foco tras recibir unha alerta a través do 112 Galicia, que informou dunha vertedura de espumas cara ao río.

Deste xeito, desprazáronse inspectores á zona, que identificaron a orixe das espumas nos baldeos realizados cara a unha reixa de pluviais no interior das instalacións dunha empresa da zona. Así, ante a deficiencia observada, os técnicos da Xunta solicitaron aos responsables da instalación que adoptasen medidas para emendar o foco.

Posteriormente, nunha nova inspección, persoal de Augas de Galicia verificaron que desde a empresa procederon a conectar as augas de baldeo cara ao sistema de depuración das instalacións e, deste xeito, corrixiron a contaminación asociada a este foco cara ao dominio público hidráulico.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...