InicioEconomíaA Xunta pide ao Goberno que utilice os fondos europeos para dar...

A Xunta pide ao Goberno que utilice os fondos europeos para dar prioridade á alta velocidade entre Vigo e O Porto

PUBLICADO O

- Advertisement -

O vicepresidente segundo e conselleiro de Presidencia, Xustiza e Deportes, Diego Calvo, visitou este luns a sede da Agrupación Europea de Cooperación Territorial (AECT) da Eurorrexión Galicia-Norte de Portugal, onde pediu ao Goberno central que utilice os fondos europeos para dar prioridade á conexión ferroviaria de alta velocidade entre Vigo e O Porto.

Acompañado pola delegada territorial da Xunta en Vigo, Marta Fernández-Tapias, e polo director xeral de Relacións Exteriores e coa UE, Jesús Gamallo, Calvo foi recibido polo presidente da AECT Nuno Almeida.

Alí, puxo en valor o traballo desta entidade como punto de encontro para institucións, empresas e cidadáns a ambos os dous lados da ‘raia’ co obxectivo de eliminar as barreiras físicas e burocráticas a través da cooperación transfronteiriza.

Durante a visita, abordaron as propostas consensuadas entre a Xunta e o Norte de Portugal que levarán ao cume Ibérico prevista o próximo mes de outubro na localidade portuguesa de Viana do Castelo entre os gobernos de España e Portugal.

Neste sentido, Calvo reclamou o impulso do tren de alta velocidade entre Vigo e Portugal e a construción do saída sur de Vigo, como un primeiro paso para prolongar esta liña, así como a conexión internacional por autovía entre Galicia e o nordés portugués.

O vicepresidente segundo do Executivo autonómico lembrou que a Xunta leva reclamado de forma reiterada ao Goberno central que se comprometa con esta liña de alta velocidade da mesma forma que xa o fixo o Goberno portugués.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...