InicioSucesosDetido en Vigo por apuñalar a outro home nunha discusión

Detido en Vigo por apuñalar a outro home nunha discusión

Ocorreu nun piso na rúa Tomás Alonso.

PUBLICADO O

- Advertisement -

Un home de 48 anos de idade foi detido pola Policía Local de Vigo por supostamente apuñalar a outro home no medio dunha discusión na noite deste mércores.

Segundo o relato policial, ás 22,20 horas do mércores recibiuse a chamada dunha persoa que alertou dunha pelexa nun piso na rúa Tomás Alonso.

Así, varias unidades trasladáronse ata o lugar, accederon á vivenda e observaron a porta aberta. Dunha das habitacións saíu un home que mostraba un corte nunha man e o rostro ensanguentado. Ao decatarse a presenza dos axentes, comezou a berrar que se defendeu.

Os axentes interceptaron e inmobilizaron o home, que responde á identidade de M.B.S., de 48 anos de idade.

Mentres, outra unidade accedeu ao inmoble, e atopou tirado na ducha do baño boca arriba outro home, M.O.C, de Vigo, e 55 anos de idade. Neste caso, estaba a ser auxiliado por outro home, que lle taponaba cunha toalla o costado esquerdo polo que sangraba abundantemente. O ferido dixo que fora o primeiro home citado o que llo causou.

Os axentes procederon á detención do presunto agresor pola suposta comisión dun delito de homicidio en grao de tentativa.

Ao lugar tamén acudiu unha ambulancia para prestar atención ao ferido, que foi evacuado ao hospital Álvaro Cunqueiro. A vítima tiña unha ferida punzante á altura da costela do seu lado esquerdo e unha posible fractura de nariz, con prognóstico “grave”.

Tamén acudiu a Policía Científica para realizar a correspondente inspección ocular e iniciar a investigación dos feitos.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...