InicioSociedadeEsgotadas "en tres minutos" as 2.000 entradas adicionais postas á venda para...

Esgotadas “en tres minutos” as 2.000 entradas adicionais postas á venda para o concerto de Muse en Vigo

O aforamento total para a actuación da banda británica, que terá lugar este xoves no estadio municipal Abanca Balaídos, será de 17.000 persoas

PUBLICADO O

As 2.000 entradas adicionais postas á venda este mércores para o concerto de Muse en Vigo esgotáronse “en tres minutos”, segundo confirmou a delegada territorial da Xunta na cidade, Marta Fernández-Tapias.

Así, o aforamento total para a actuación da banda británica, que terá lugar este xoves no estadio municipal Abanca Balaídos, será de 17.000 persoas, tras a venda en xullo pasado doutros 15.000 billetes (que tamén se esgotaron en menos de 24 horas).

“É o mellor exemplo de que estamos ante o evento musical de maior importancia do ano en Galicia”, sinalou Fernández-Tapias, quen engadiu que “non hai mellor maneira de celebrar o regreso dos grandes concertos a Balaídos máis de 20 anos despois”.

As 2.000 entradas adicionais puxéronse á venda ‘en liña’ ás 10,00 horas deste mércores, despois de que se aprobase a modificación do plan de autoprotección do concerto para dar cabida a máis público.

O pasado fin de semana iniciouse a montaxe do escenario, no que participan 450 traballadores. O estadio vigués disporá de 150.000 w de iluminación e 40.000 w de son, ademais de 473 focos e máis de 120 altofalantes. A actuación de Muse, prevista para as 22,15 horas, estará precedida polos concertos de dous grupos teloneiros: os vigueses The Killer Barbies (20,00 horas) e os ingleses Years&Years (21,00 horas).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...