A factoría viguesa do grupo automobilísticos Stellantis parará toda a súa produción durante este fin de semana, a pesar de que os traballadores volveron a operar esta mesma semana despois das vacacións de verán.
Tal como informou a empresa aos seus empregados, por “causa de forza maior”, a consecuencia da falta de aprovisionamentos, suspenderase a actividade de Montaxe nos dous sistemas da planta o sábado e o domingo.
Ambas as liñas de produción retomarán a actividade o vindeiro luns, día 22 de agosto, na quenda das 06,00 horas. Isto ocorre só dous días despois de que a fábrica viguesa volvese operar esta mesma semana, tras os festivos, despois de estar parada varias semanas polas vacacións de verán do persoal.