A rúa Arquitecto Antonio Cominges de Vigo, situada preto de Cabo Estai na parroquia de Oia, situouse como a máis cara de toda Galicia para comprar vivenda, cun prezo medio de 1,61 millóns de euros, segundo un estudo publicado este xoves polo portal inmobiliario Idealista.
No conxunto do Estado , Andalucía, Baleares e Madrid concentran as dez rúas máis caras para vivir en España, con vivendas que oscilan entre os 6,22 millóns de euros ata os 9,95 millóns. A rúa máis exclusiva de España atópase no municipio malagueño de Benahavís e abarca toda a urbanización de Coto Zagaleta. Nesta localización, as vivendas custan, de media, 9,95 millóns de euros.
No caso de Galicia, a rúa Arquitecto Antonio Cominges é coñecida por situarse a poucos metros dun dos puntos costeiros máis impactantes da zona: o Cabo Estai por un lado e, polo outro, a praia de Monduiña. En conxunto, trátase duns poucos metros de chalés independentes e vivendas unifamiliares situadas a escasos metros do paraíso: iso si, para quen poida pagalo.
