InicioVigo e contornaVigoVigo conta con menos bombeiros dos necesarios para "garantir a seguridade", denuncia...

Vigo conta con menos bombeiros dos necesarios para “garantir a seguridade”, denuncia o BNG

Marea acusa ao Concello de dar subvencións encubertas a medios de comunicación.

PUBLICADO O

O BNG de Vigo alertou este xoves de que a cidade conta desde xuño co número mínimo de bombeiros para garantir a seguridade “en plena onda de calor e de incendios que arrasan toda Galicia”. Neste sentido, os nacionalistas acusaron desta situación á “nefasta” xestión do goberno de Abel Caballero, que se traduce en que moitos días de verán o corpo de emerxencias contará con entre 12 ou 14 bombeiros por xornada.

“Vigo non dispuxo nin un só día dos 20 bombeiros que se establecen como mínimo para o operativo que ten que garantir a seguridade de todos os vigueses”, lamentou o concelleiro do BNG, Xabier P. Igrexas. Por iso, reclamou explicacións “urxentes” ao goberno municipal, así como a adopción de medidas “inmediatas” por parte da responsables da área de Seguridade.

SUBVENCIÓNS A MEDIOS DE COMUNICACIÓN

Pola súa banda, Marea de Vigo denunciou que as partidas da campaña Cíes Patrimonio da Humanidade lanzada polo Concello están a usarse como “escusa publicitaria para seguir subvencionando de forma encuberta a medios de comunicación”.

Tras coñecerse que o goberno local destinará outros 230.000 euros a esta campaña, Marea de Vigo criticou o uso deste “inxente” recurso público para financiar a medios de comunicación. Neste sentido, o seu portavoz, Rubén Pérez, lamentou que a pesar de que todos os anos empregáronse recursos municipais para tal fin, “non se moveu nin un só papel” ante a Unesco, que avalía as propostas.

“Vemos como se están utilizando recursos económicos que xa superan o millón de euros para accións como unha recollida de firmas ou a práctica de ioga, actividades que non gardan relación algunha coas accións que se deben facer para conseguir que as illas sexan Patrimonio da Humanidade”, criticou Pérez, segundo recolle Marea de Vigo nun comunicado.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...