InicioEconomíaO TSXG declara "contrario a dereito" o pago de facturas por ata...

O TSXG declara “contrario a dereito” o pago de facturas por ata 1,5 millóns do Concello do Porriño

Ve indicios de actividade delituosa no ámbito da prevaricación administrativa.

PUBLICADO O

A sección 3 da Sala do Contencioso-Administrativo do Tribunal Superior de Xustiza de Galicia (TSXG) declarou “nulos e contrarios a dereito” o pago de facturas por ata 1,5 millóns de euros do Concello do Porriño. Tal como se desprende da sentenza, á que tivo acceso Europa Press, o tribunal declarou “nulos e contrarios a dereito” os créditos recoñecidos en dous expedientes de recoñecemento extraxudicial de crédito (acordados en plenos de 2019) “na súa totalidade”.

A sentenza tamén acorda a remisión do procedemento á Fiscalía do TSXG xa que a sala entende que “a omisión absoluta de procedemento de contratación administrativa dadas as súas dimensións (máis de 1,5 millóns de euros e en relación a varias materias diferentes o que implica que se eludiu o procedemento de contratación de forma recalcitrante) e prolongación do tempo (as prácticas comprenden anos), unido á multiplicidade de advertencias feitas polos órganos de intervención e secretaría do Concello que constan no expediente sobre a ilegalidade das actuacións, revelan a existencia de feitos que poden ser indicios de actividade delituosa no ámbito da prevaricación administrativa“.

Todo iso despois de que o actual alcalde, o ‘popular’ Alejandro Lorenzo, solicitase un recurso de apelación ante o TSXG ante a situación que vivía en Concello do Porriño antes da súa chegada ao poder o pasado o pasado mes de decembro, despois de que a anterior alcaldesa, Eva García de la Torre (PSOE) renunciase ao cargo.

Segundo fontes do PP local do Porriño, consultadas por Europa Press, este tipo de actuacións estaban a facerse de maneira “sistemática”, polo que xa hai facturación que está a ser investigada pola vía penal porque non constaba ningún tipo de contrato nin se podían xustificar os traballos.

“Para abonalas o que facían era metelas a través de recoñecementos de crédito grandes. Entón a responsabilidade era do pleno. O PP no seu momento denunciou advertindo de que se trataba de 1,5 millóns de euros e non se sabía nin para que ían destinados”, explicaron. Agora, segundo indican as mesmas fontes, o TSXG dá a razón e decláraas nulas de dereito porque esa facturación debeu ser revisada.

“O importante desta sentenza é que por fin se pode dalgunha maneira regularizar todas estas facturacións que existen no caixón”, subliñou o rexedor en declaracións aos medios de comunicación. “Estamos a falar de facturas sen ningún tipo de contrato, sen ningún tipo de elemento de contratación e sen ningún tipo de partida orzamentaria”, lamentou.

Segundo el, na actualidade hai 5,4 millóns de euros pendentes de pago nesta situación, ademais das desta sentenza, que anula un pago xa realizado de 1,5 millóns de euros. “Todas estas facturas estaban sen ningún tipo de contrato”, criticou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...