InicioVigo e contornaVigoA Federación Veciñal de Vigo reclama diálogo ao Concello ante a falta...

A Federación Veciñal de Vigo reclama diálogo ao Concello ante a falta de vivenda pública ou social

Tamén pediron a creación dunha Mesa para dar resposta a esta demanda, con representación de colectivos sociais, do movemento veciñal, da Xunta e do Concello, e afeou ás administracións que atrasen a construción de vivendas protexidas polos "tirapuxas" entre eles, "como ocorre no polígono de Navia".

PUBLICADO O

A Federación Veciñal de Vigo presentou por rexistro no Concello unha solicitude para que se constitúa unha Mesa pola Vivenda que dea resposta a falta de vivenda pública ou vivenda social na cidade.

Segundo explicou en declaracións aos medios a presidenta da Federación, María Pérez, a situación “é insustentable” pola alza de prezos dos alugueres, e resulta inviable alugar unha vivenda para persoas que cobran axudas sociais ou mesmo para quen teñen unha nómina de “mileurista”.

Por iso pediron a creación dunha Mesa para dar resposta a esta demanda, con representación de colectivos sociais, do movemento veciñal, da Xunta e do Concello, e afeou ás administracións que atrasen a construción de vivendas protexidas polas “tiras e afrouxas” entre eles, “como ocorre no polígono de Navia”.

María Pérez, que acusou ao alcalde de “mentir” cando presume de que o seu despacho nunha ‘oficina antidesahucios’, alertou do gran número de familias en situación vulnerable na cidade, moitas das cales están abocadas ao desaloxo das súas vivendas.

Así, puxo o exemplo de Emilia Murua, unha veciña da cidade que, ata hai un día, estaba pendente de ser desafiuzada o vindeiro luns e non tiña alernativa habitacional, ao non atopar “ninguén que lle alugase”.

A propia Emilia explicou aos medios que a propietaria da súa vivenda instouna a abandonala, aínda que sempre pagara as mensualidades, e deixou de “coller o diñeiro do aluguer”. No último ano e medio estivo buscando unha solución, mentres se ían sumando as sucesivas prórrogas do contrato por estar en situación vulnerable (cobra o Ingreso Mínimo Vital e a súa parella ten nómina, pero é demasiado pequena e os propietarios piden máis garantías).

Finalmente, grazas á mediación dun avogado, lograron que se computen todos os ingresos da parella e unha inmobiliaria subscribiralles un seguro, polo que poderán acceder a outro aluguer.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...