A Policía local de Vigo informou de que o pasado día 20 un veciño da localidade pediu axuda despois de encontrar unha serpe no interior do seu domicilio, na Subida Monte da Serra.
O particular trasladou que se trataba dunha serpe de cor gris de aproximadamente un metro de longo, aínda que os axentes puideron comprobar posteriormente que era unha cobra, malpolón monspessulanus, de 1,20 metros.
En concreto, a cobra foi localizada no interior do cuarto de baño, encima dun moble. Foi capturada para, posteriormente, ser devolta ao seu hábitat.
Ao día seguinte tívose constancia doutro caso en Travesía Barreiro. Unha particular chamou alertando de que lograra capturar un ofidio colocando unha tarteira sobre o mesmo, pero ao levantar o utensilio de cociña, non o localizou.
A Policía Local ratifica que escapara polo oco existente entre a tarteira e o chan. Tras ver unha foto do réptil, constataron que era un escáncer.
