InicioPolíticaO Parlamento pide ao Goberno que renuncie ao bombeo de auga desde...

O Parlamento pide ao Goberno que renuncie ao bombeo de auga desde o río Verdugo

"É unha medida cun alto impacto e completamente ineficaz para garantir o abastecemento da auga a Vigo e ao sur da provincia de Pontevedra", asegura.

PUBLICADO O

O Parlamento de Galicia aprobou este mércores unha proposición non de lei do Grupo Popular a través da que se pide ao Goberno de España que renuncie ao bombeo de auga desde o río Verdugo ao río Oitavén, “por estar acreditada como unha medida cun alto impacto e completamente ineficaz para garantir o abastecemento da auga a Vigo e ao sur da provincia de Pontevedra”.

Tamén pediu declarar o abastecemento da cidade de Vigo como de interese xeral do Estado e convocar unha reunión cos concellos afectados polas actuacións propostas e coa Xunta para explicar e achegar información pormenorizada sobre as alternativas propostas e sobre as previsións de actuación.

Estes puntos da iniciativa, defendida na Comisión 2ª do Parlamento de Galicia pola deputada popular Teresa Egerique, contaron co voto a favor dos nacionalistas galegos, mentres que os socialistas se situaron en contra.

A proposición non de lei incluía un segundo punto no que o BNG optou pola abstención, mentres que o PSdeG tamén votou en contra. Este apartado pedía iniciar a tramitación ambiental para avaliar a viabilidade do conxunto de medidas propostas no estadio realizado pola Confederación Hidrográfica Miño-Sil para o abastecemento a Vigo e ao sur da provincia de Pontevedra.

PLATAFORMA ENCORO NON

Por outra banda, a Confraría de Pescadores Virxe do Carme de Arcade, a Confraría de Pescadores Pedra de Oliveira e a Confraría de Pescadores de San Xoán de Redondela sumáronse á Plataforma pola defensa dos ríos Verdugo e Oitavén Encoro Non.

Adheríronse trala reunión mantida cos responsables desta organización da sociedade civil que tivo lugar no porto de Arcade e na que participaron o patrón maior de Arcade, Gonzalo Reinoso; a patroa maior de Vilaboa, María del Carmen Cortegoso Gómez; e a vicepresidenta da Agrupación de Mariscadoras da Confraría de Pescadores de San Xoán de Redondela, Nuria Novelle Zabaleta. Por parte da plataforma asistiron a portavoz, Pilar Fernández, así como Fernando Malvar, Bruno Castro e Rebeca Moares.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...