Axentes da Policía Local de Vigo detiveron nas últimas horas unha persoa sobre a que pesaba unha orde xudicial de procura, arresto e ingreso en prisión.
Segundo confirmaron fontes policiais, unha dotación trasladouse este luns pola tarde á rúa Toural de Abaixo, no barrio de Teis, tras recibir un aviso sobre a presenza dunha persoa tirada na vía pública e aparentemente inconsciente.
Os axentes que se desprazaron á zona axudaron esta persoa a incorporarse e, dado que non presentaba lesións, pedíronlle a súa documentación para identificala.
Como non achegaba documentos nin datos, foi trasladada a dependencias policiais para a súa filiación, e comprobouse que se trataba de R.L.B., de 33 anos de idade e de Soutomaior. Ao coteXar os seus datos, confirmaron que lle constaba en vigor unha orde de detención e ingreso en prisión emitida polo Xulgado do Penal 2 de Vigo, polo que foi arrestado e posto a disposición xudicial.