O Porto de Vigo recibiu na mañá deste luns a escala inaugural do luxoso cruceiro Scenic Eclipse, un buque da naviera Scenic Group que chegou ás 08,00 horas con 155 pasaxeiros e 190 tripulantes a bordo.
Tal como informou o Porto de Vigo, con motivo da súa primeira visita á terminal viguesa, o presidente da Autoridade Portuaria, Jesús Vázquez Almuiña, participou no tradicional intercambio de metopas co capitán do barco.
Durante a súa estancia no Porto vigués, o buque embarcou un submarino que foi trasladado en camión esta fin de semana desde Barcelona, onde foi reparado. O barco partiu do porto vigués ás 19,00 horas.
Ademais, o Scenic Eclipse compartiu peirao xunto ao Ventura, da naviera P&O, que chegou ás 07,30 horas con 1.080 tripulantes e 2.269 pasaxeiros e partiu ás 17,00 horas.