InicioSucesosFerido o condutor dun camión tras saír da vía na AP-9 Redondela

Ferido o condutor dun camión tras saír da vía na AP-9 Redondela

PUBLICADO O

Un camioneiro resultou ferido ao sufrir unha saída de vía na autoestrada AP-9 ao seu paso polo concello pontevedrés de Redondela na noite deste pasado mércores. Así o informou o 112 Galicia, que indicou que, ademais, o accidente obrigou a cortar os carrís esquerdos de circulación da vía ata que se puideron recuperar as condicións de seguridade da estrada.

Segundo a información facilitada polos axentes de Tráfico ao 112 Galicia, o tráiler de paquetería sufriu o accidente posiblemente pola choiva que nese momento caía na zona.

O sinistro tivo lugar ás 21,00 horas do mércores. Varias persoas particulares alertaron ao 112 Galicia dun accidente dun vehículo de grandes dimensións preto da saída 151 da AP-9.

Durante a súa comunicación, indicaron que o tráiler envorcara, ademais, non podían concretar o número de vehículos ou persoas afectadas. O Centro Integrado de Atención ás Emerxencias 112 Galicia activou un operativo formado polos profesionais sanitarios, que se encargou do traslado do home ferido ao centro hospitalario, polos Bombeiros do Morrazo, do Porriño e de Vigo e por axentes da Garda Civil de Tráfico. Do mesmo xeito, pasou aviso aos membros de GES de Mos, da Policía e Protección Civil da localidade.

Co fin de asegurar a circulación na estrada, o 112 Galicia tamén informou o Centro de Xestión de Tráfico e ao persoal de mantemento da vía.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...