Vigo acollerá este xoves e venres a primeira edición das Xornadas de Defensa e Protección da Defensa da Avogacía, que se celebrarán baixo a lema “Avogacía digna e independente” nas instalacións do Real Club Celta.
Durante as sesións abordaranse temas “que afectan á calidade e eficacia do dereito da defensa” como poden ser as inxerencias, o intrusismo, a liberdade de expresión, os atrasos nas visitas, a conciliación ou as brechas na defensa –tecnolóxicas e de xénero–.
A xornada inaugurarase este xoves, 16 de xuño, ás 10,00 horas coas intervencións da presidenta do Consello Xeral da Avogacía, Victoria Ortega; o alcalde de Vigo, Abel Caballero; o presidente do Tribunal Superior de Xustiza de Galicia, José María Gómez; e a decana do Colexio de Avogados de Vigo e presidenta da Comisión de Defensa dos Dereitos e Intereses Profesionais da Avogacía do Consello, Lourdes Carballo.
O evento, organizado polo Consello xeral da Avogacía Española e o Colexio de Avogados de Vigo, contará coa participación de case un centenar de avogados dos 83 Colexios de Avogacía.